Мектебімізде қайырымдылық пен мейірімділікті дәріптейтін «Жақсылық» науқаны өз жалғасын тапты. Аталған шараға ұстаздар, оқушылар және ата-аналар белсенді түрде қатысып, игі іске өз үлестерін қосты. Науқан аясында мұқтаж отбасыларға көмек көрсетіліп, азық-түлік пен қажетті тұрмыстық заттар жиналды. Оқушылар қайырымдылықтың мәнін түсініп, жанашырлық пен қамқорлықтың маңызын сезінді. Жақсылық жасау – әрбір азаматтың адамгершілік парызы.

💖 Мектебіміздің 6 «Г» сынып оқушылары «Жүректен жүрекке» челленджін өткізді. 🎯 Аталған шараның мақсаты – оқушылардың бойындағы мейірімділік, қамқорлық және жанашырлық қасиеттерін арттыру. 🤝 Челлендж барысында оқушылар бір-біріне жылы лебіздерін білдіріп, игі тілектер айтып, жақсы сөздің адам көңіліне қуаныш сыйлайтынын көрсетті. 🌸 Сонымен қатар, олар айналасындағы жандарға қолдау көрсетудің маңыздылығын түсінді. ✨ Осындай тәрбиелік мәні зор шаралар оқушылардың жүрегіне ізгілік ұялатып, бірлік

“Адамға қуаныш сыйла” акциясы аясында көп балалы, «аз қамтылған» отбасыға көмек ретінде азық-түлікпен қамтамасыз етілді. Осы ретте бұл қайырымдылық шараға белсене ат салысқан жомарттықтан алдына жан салмайтын дене шынықтыру пәні мұғалімі Тургынбаев Азамат Қуатұлына алғысымызды білдіреміз! Барлық әріптестерімізді осындай игі істерге атсалысуға шақырамыз!

«Тайып бара жатқанға таяныш бол» демекші, Жандары жайсаң ұстаздарымыз (есімдерін атамауды өтінді) мектептегі көп балалы «аз қамтылған» отбасыға азық-түлікпен жәрдемдесіп талай жанның жүрегін тебірентті. Барлық әріптестерімізді осындай игі істерге атсалысуға шақырамыз!