"Саналы ұрпақ тәрбиесі"

Педагогикалық Ғылымдар Академиясы ұсынған "Саналы ұрпақ тәрбиесі" атты мұғалімдерге арналған нұсқаулықпен 4 "А" сынып жетекшісі Кушбаева Фарида таныстырды.  Әдістемелік нұсқаулықтың басты идеясы - жас ұрпақ тәрбиесін ұлттық және жалпыадамзаттық құндылықтарға негіздей отырып, оқушылардың санасына отансүйгіштік, елжандылық, азаматтық борыш, әлеуметтік жауапкершілік сезімдерін қалыптастыру. Саналы ұрпақ тәрбиесінің тиімді тетіктерінің бірі ретінде мектептің мәдени-тәрбиелік ортасының дамытушы ықпалын күшейтудің маңыздылығы өзектендірілген. Әдістемелік нұсқаулықты таныстыру барысында BLOB бағалау ағашы, викториналық сұрақтар қойылып, ойлаудың алты қалпағы әдістерін қолдана отырып таныстырды. Сондай ақ "Менің арманым", "Тәрбие тал бесіктен басталады" атты бейнероликтер көрсетілді.